Намоиши китоб ҷиҳати гиромидошти хотираи устод Айнӣ
Душанбе, 28.04.2015.(АМИТ “Ховар”, Рафоати Абдулҳамид).- Тавре ки Китобхонаи миллии Тоҷикистон хабар додааст, 23 апрели соли равон дар китобхона бахшида ба «Рўзи гиромидошти хотираи Садриддин Айнӣ, асосгузори адабиёти муосири тоҷик» бо ибтикори шуъбаи тарғиб ва баргузории чорабиниҳои фарҳангӣ намоиши китобҳои устод ташкил шуд.
Бинандагон дар радифи китобҳои солҳои қабл чопшуда кутуби тозанашри устоди зиндаёд- «Марги судхўр», «Мактаби кўҳна», «Гули Сурх», «Намунаи адабиёти тоҷик»- ро низ варақ заданд.
Дар намоиш китобҳое низ гузошта шуданд, ки аз ҷониби донишмандон дар солҳои мухталиф дар бораи устод Айнӣ навиштаву дар чопхонаҳои гуногуни кишвар ва хориҷ аз он интишор ёфтанд.
Аз ҷумла, китобҳои профессор Худойназар Асозода- «Зиндагинома ва осори Садриддин Айнӣ» ва «Садриддин Айнӣ дар миён ҳаст ва хоҳад буд» (Эҳдо ба 135- солагии устод Айнӣ); Наргис Аслонова- «Андешаҳои адабӣ- эстетикии Садриддин Айнӣ» ба намоиш гузошта шуданд.
Устод Садриддин Айнӣ аз бузургтарин чеҳраҳои фарҳангии кишвар дар даврони муосир аст, ки хизматҳои шоистаи ӯ дар рушди адабиёту фарҳанг ва эҳёи миллӣ бо унвони фахрии «Қаҳрамони Тоҷикистон» қадрдонӣ шудааст.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






