Никитин пешсафи соҳибкорони беҳтарини Душанбе
Душанбе, 14.04.2015.(АМИТ «Ховар», Марзия Саидзода).- Барандаи унвони «Пешсафи соҳибкорони беҳтарини шаҳри Душанбе дар соли 2014» дар бахши «Технологияҳои телекоммуникатсионӣ» Ҷамъияти саҳомии пӯшидаи «ТТ Мобайл» Денис Никитин дониста шуда, мавсуф бо Ифтихорномаи шаҳрдорӣ, Ҷоми ғолиб ва дигар туҳфаҳои шаҳрдории Душанбе дар Рӯзи пойтахт қадрдонӣ мешаванд.Мавриди зикр аст, ки дар остонаи таҷлили Рӯзи пойтахт озмуни «Соҳибкори беҳтарини шаҳри Душанбе дар соли 2014» ҷамъбаст гардид. Тибқи он соҳибкорони беҳтарини Душанбе дар бахшҳои «Истеҳсоли молҳои истеҳсолии халқ», «Меъморӣ ва дизайн», «Савдо», «Хизматрасонӣ дар соҳаи фарҳанг, варзиш ва туризм», «Хизматрасонии тиббӣ», «Истеҳсоли маҳсулоти истифодаи саноат», «Истеҳсоли доруворӣ, маҳсулот ва таҷҳизоти тиббӣ», «Хоҷагидории шаҳрӣ, хизматрасонии манзилию коммуналӣ ва экология», «Сохтмон, тармим ва таъмир», «Косибӣ ва ҳунарҳои халқӣ», «Истеҳсоли маҳсулоти саноати сабук», «Хӯроки умум», «Хизмати маишӣ», «Фаъолияти нашриётӣ, хизматрасонии полиграфӣ, дизайн ва реклама», «Истеҳсоли масолеҳи сохтмон ва конструксияҳо», «Хизматрасонӣ барои рушди соҳибкорӣ: таълим, маркетинг, аудит, консалтинг, пешбарии муҳосибот ва кумаки ҳуқуқӣ» «Технологияҳои ахборӣ» муайян гардиданд. Инҳо Илҳом Комилов -«Фабрикаи шири Саодат», Файзалӣ Раҷабов -ҶСП «Техноинвест», Фарҳод Мирзоев -ҶДММ «Газпромнефт», Зафар Қурбонов- «Тоҷикинтурсервис», Қурбоналӣ Муҳаббатов -«Ганҷина» МТФ «Ромашка», Хушмаҳмад Ҷомаҳмадов -«Иттиҳодияи истеҳсолии Нассоҷии Тоҷик», Фаридун Ҷабборов «Тиб барои Шумо», Игор Умаров -«Сити Сервис», Қосим Фаткулаев -«Саманд 2010», Муфарраҳ Муҳаббатов -«Рухом», Саидраҳмон Хидиров -«Сомонтаъминот», Мансур Остонаев -«Интер», Сафаралӣ Шарифов- «Континент-Инвест», Сӯҳроб Раҷабов — «Эр-Граф», Тоҳир Хукуматов «Заводи асфалту бетон», инчунин Қубодулло Ғайратов -«Гимназияи хусусии Ҳиммат» ва Шариф Ҳамдамов- ҳафтаномаи «Тоҷикистон» мебошанд. Ғолибони озмун аз рӯи ҳар як бахш дар маросими таҷлили Рӯзи пойтахт аз ҷониби шаҳрдории Душанбе бо диплом ва туҳфаҳои хотиравӣ қадрдонӣ мешаванд. Ҳадафи озмуни мазкур рушди соҳибкорӣ дар пойтахт, баланд бардоштани мақоми соҳибкорон дар ҷомеа, ғанӣ гардонидани бозори истеъмолӣ ва буҷети пойтахт, таблиғи дастовардҳои соҳибкорон ва ҳавасмандгардонии онҳо арзёбӣ мегардад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






