«Нодира»- беҳтарин маҳаллаи Душанбе
Душанбе, 16.04.2015.(АМИТ «Ховар», Марзия Саидзода).-Зимни ҷамъбасти озмуни шаҳрии «Маҳаллаи беҳтарини пойтахт» маҳаллаи «Нодира»-и ноҳияи Исмоили Сомонӣ беҳтарин маҳалла дар Душанбе арзёбӣ гардид. Интизор меравад, ки дар Рӯзи пойтахт аз ҷониби шаҳрдорӣ маҳаллаи мазкур бо диплому Ҷоизаи рамзӣ бо акси Нишони шаҳри Душанбе сарфароз гардонида шавад. Инчунин шаҳрдорӣ тасмим гирифтааст, ки аз ҳисоби буҷаи пойтахт дар ҳудуди маҳаллаи «Нодира» майдончаи фароғатию варзишӣ бунёд намуда, онро бо таҷҳизоти замонавӣ муҷаҳҳаз гардонад.
Дар ин росто шаҳрдории Душанбе ба Сарраёсати меъморӣ ва шаҳрсозии пойтахт дастур додааст, ки дар ҳамкорӣ бо Кумитаи заминсозии шаҳри Душанбе, Муассисаи давлатии «Раёсати сохтмони асосӣ»-и шаҳр дар асоси Нақшаи генералии шаҳри Душанбе ҷои мувофиқро барои сохтмони майдончаи фароғатию варзишӣ бо таҷҳизоти замонавӣ интихоб намуда, дар зарфи як моҳ лоиҳаи қарори раиси шаҳри Душанберо оид ба ҷудо намудани қитъаи замин омода ва барои тасдиқ ба раиси шаҳр пешниҳод намоянд.
Бояд тазаккур дод, ки ҳадафи баргузории озмун тақвияти ҳамкории судманд байни мақомоти худфаъолияти ҷамъиятӣ, шӯроҳои шаҳраку маҳаллаҳо ва шаҳрдории Душанбест.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
