Пазироии Набил ал-Арабӣ аз Хусрав Нозирӣ
Душанбе, 16.04.2015 (АМИТ «Ховар»).- 15 апрели 2015 дар Қоҳира Дабири кулли Ҷомеаи давлатҳои арабӣ Набил ал-Арабӣ Сафири Фавқулода ва Мухтори Ҷумҳурии Тоҷикистон дар Ҷумҳурии Арабии Миср Хусрав Нозириро ба ҳузур пазируфт.
Дар мулоқоти мазкур дипломати тоҷик паёми вазири корҳои хориҷии Ҷумҳурии Тоҷикистон Сироҷидин Асловро ба Дабири кулли Ҷомеаи давлатҳои арабӣ Набил ал-Арабӣ дар бораи таъйин намудани Намояндаи доимии кишвари мо дар Ҷомеаи давлатҳои арабӣ супорид.
Гузашта аз ин, мусоҳибон дар он дидор дар бораи масъалаҳои густариши бештари ҳамкорӣ байни Ҷумҳурии Тоҷикистон ва Ҷомеаи давлатҳои арабӣ дар соҳаҳои гуногун мубодилаи афкор намуданд.
Бояд тазаккур дод, ки дар чаҳорчӯби нахустин иҷлосияи Форуми иқтисод ва ҳамкории арабӣ бо кишварҳои Осиёи Марказӣ ва Ҷумҳурии Озарбойҷон, ки 13 майи 2014 дар Риёз баргузор гардид, байни Ҷумҳурии Тоҷикистон ва Ҷомеаи давлатҳои арабӣ Ёддошти ҳамкорӣ ба имзо расид. Дар назар аст, ки кишвари мо нишасти ояндаи Форуми мазкурро дар соли 2016 мизбонӣ кунад.
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
