С. Элиотт: Тоҷикистон бояд бо Русия ҳамкории иқтисодиву иҷтимоӣ дошта бошад

Душанбе, 17.04.2015 (АМИТ «Ховар», Фарзонаи Давлат).-Тоҷикистон  бо Русия бояд ҳамкории ҳам иқтисодӣ ва ҳам иҷтимоӣ дошта бошад, зеро Тоҷикистон яке аз кишварҳои собиқ Шӯравӣ буд. Ҳамчунин аксари мардуми тоҷик баъди пош хӯрдани давлати Шӯравӣ низ дар Русия фаъолият ва зиндагӣ доранд, -иброз дошт сафири ИМА дар Тоҷикистон Сюзан Эллиотт дирӯз дар нишаст бо хабарнигорон.
Бино ба гуфтаи сафир на танҳо Тоҷикистон, балки кишварҳои Осиёи Марказӣ низ бояд миёни ҳамдигар ва ҳамчунин бо Русияву Чин муносибатҳои хуби иқтисодию иҷтимоӣ дошта бошанд.
— Кишварҳои Осиёи Миёна аз ҷиҳати иқтисодӣ дар ҳоли рушд мебошанд ва ҳамкории Ҳукумати ИМА бо минтақаи Осиёи Миёна манфиатовар аст, -афзуд сафири Амрико дар Тоҷикистон хонум Сюзан Эллиотт.