Таҷлили «Рӯзи байналмилалии меҳнаткашон» дар Хадамоти муҳоҷират

Душанбе, 30.04.2015.(АМИТ «Ховар»).-Имрӯз дар Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон маҷлиси ботантана бахшида ба Рўзи байналмилалии меҳнаткашон 1 май баргузор гардид, ки дар он сардори Хадамоти муҳоҷират Анвар Бобоев, муовинони сардори хадамот Муқим Ниёзов ва Толибҷон Шарипов, инчунин кормандони дастгоҳи хадамот иштирок намуданд. «Боиси сарфарозӣ ва ифтихор аст, ки мардуми Тоҷикистони соҳибистиқлол 1 майро ҳамчун Рӯзи якдилии байналмилалии меҳнаткашон аз анъанаҳои давраи Иттиҳоди Шӯравӣ боқӣ мондааст, таҷлил мекунанд»,-иброз дошт Анвар Бобоев, сардори хадамот. Номбурда афзуд, бидуни ваҳдат, ҳамдигарфаҳмӣ ба қуллаи мурод расидани инсоният номумкин аст. Маҳз ваҳдат инсониятро ба пешравӣ ва тараққиёт ноил мегардонад. Бо ҳамин орзуҳои нек, тамоми кормандони дастгоҳи хадамотро бо ҷашни Рӯзи байналмилалии меҳнаткашон самимона табрик гуфта, ба аҳли хонадони кормандон сулҳу оромӣ, хуршеди сулҳу ваҳдат ва муҳаббату бародарӣ таманно намуд.