Таъмини занону духтарон бо ҷойи кор
Душанбе, 16.04.2015. (АМИТ «Ховар», Лайло Тоирӣ).- 15 апрел дар Раёсати БДА ҶТ «Амонатбонк» бо иштироки васеи аъзои Раёсати бонк, роҳбарият ва мудирони филиалҳои бонк, ҳамчунин сардорони воҳидҳои сохтории Раёсати бонк ҷаласаи ҷамъбасти семоҳаи фаъолияти соҳа баргузор гардид.
Муовини якуми раиси Раёсати бонк Руҳулло Ҳакимзода оид ба дастовардҳо ва натиҷаи фаъолияти бонк дар се моҳи соли ҷорӣ маърӯза намуд.
Зикр шуд, ки имрӯз шумораи умумии ПОС-терминалҳо дар марказҳои хизматрасонии бонкӣ ва марказҳои тиҷоратию нуқтаҳои савдо 560 ададро ташкил медиҳад ва дар баробари ин 158 банкомат дар миқёси ҷумҳурӣ насб шудааст, ки ин дар ҳама ҳолат мушкили корафтодагон ва мизоҷони бонкро осон мегардонад.
Дар маърӯзаи Руҳулло Ҳакимзода масъалаҳои ислоҳ намудани камбудиҳои ҷойдошта, ҷалби пасандозу пешниҳоди қарзҳо, баргардонидани қарзҳои батаъхирафтодаю истифодаи мақсадноки қарзҳои пешниҳодгардида, ҷалби бештари занону духтарон ба ҷойҳои холии корӣ ва интизоми намунавӣ дар коргоҳ матраҳ гардиданд.
Намояндаи Департаменти назорати бонкии Бонки миллии Тоҷикистон Кибриё Дустмуродовна оид ба масъалаҳои бетафовут набудан дар ҳамаи самтҳои фаъолият аз ҷониби мудирони филиалҳои бонк ва роҳ надодан ба амалҳои ғайриқонунӣ ибрози андеша намуд.
Раиси Раёсат Ҷамшед Нурмаҳмадзода ба мудирони филиалҳо оид ба масъалаҳои иҷрои саривақтии нақшаҳое, ки ба зиммаи филиалҳои бонк гузошта шудаанд ва иҷро намудани онҳо то ҷаласаи ҷамъбасти шашмоҳа супоришҳои қатъӣ дод.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






