Татбиқи лоиҳаи баланд бардоштани сатҳи некуаҳволии аҳолӣ оғоз ёфт
Душанбе, 08.04.2015. (АМИТ “Ховар”,Марҳабои Азамат ).- Чанде пеш дар шаҳраки Ғарми ноҳияи Рашт ҷаласаи якуми Кумитаи идораи лоиҳаи “ Беҳдошти некуаҳволии аҳолии деҳоти 9 ноҳияи Ҷумҳурии Тоҷикистон” баргузор гардид.
Дар ҷаласа кори яксола, дурнамои соли 2015 ва мақсаду вазифаҳои лоиҳа, самтҳои асосии фаъолият мавриди муҳокима қарор гирифта, барои татбиқи судманди лоиҳа тавсияҳо ироа шуданд.
Дар ин чорабинӣ сафири ФР дар Тоҷикистон И. С Лякин- Фролов, муовини вазири рушди иқтисод ва савдои ҶТ У. Давлатзод, намояндаи доимии Барномаи рушди СММ дар Тоҷикистон А.В Зуев, ҳамчунин намояндагони мақомоти маҳаллии ҳокимияти ноҳияҳои истифодабарандаи лоиҳа иштирок намуданд.
Тавре ки дар Сафорати ФР дар ҶТ тавзеҳ доданд, мақсад аз “ Лоиҳаи беҳдошти некуаҳволии деҳот” дастгирии рушди иқтисодии 9 ноҳияи Тоҷикистон аз қабили ноҳияҳои Айнӣ, Исфара, Истаравшан ва Панҷакенти вилояти Суғд, ноҳияҳои Восеъ ва Темурмалики вилояти Хатлон ҳамчунин 3 ноҳияи тобеи ҷумҳурӣ — Рашт, Тоҷикобод ва Ҷиргатол аст.
Дар ҳошияи лоиҳа ба мақомоти маҳаллии ҳокимият барои тарҳезии судманд ва назорати рушти иҷтимоию иқтисодии ноҳияҳо кӯмак карда мешавад.
Дар ин бора аз Сафорати ФР дар ҶТ ба АМИТ “Ховар” хабар доданд.
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
