Тоҷикистон дар намоишгоҳи кишварҳои СҲШ иштирок мекунад

Душанбе, 27.04.2015. (АМИТ «Ховар»,  Кристина  Эрлих).- 24  апрел  раиси Палатаи  савдо ва  саноати Тоҷикистон  Шариф  Саид  бо президенти Палатаи  савдои оид ба воридоту  содироти  маҳсулоти  техникаи  барқии  Пекин  Чжун  Сзюнвэй  мулоқот  анҷом дод.
Тавре  ки аз  ПСС  ҶТ  ба  АМИТ «Ховар»  хабар  доданд, мусоҳибон   масоили   ҳамкории  тиҷоратию  иқтисодӣ,  ҳамчунин  иштироки тоҷирони  Тоҷикистон  дар  кори Намоишгоҳи  байналмилалии  маҳсулоти   кишварҳои  СҲШ — ро, ки  аз  24  то  26  сентябр  дар  шаҳри  Сиани  музофоти  Шэнсии ҶМЧ  баргузор  мегардад,  мавриди  муҳокима  қарор  доданд.
«Дар  намоишгоҳ  маҳсулоти  хушсифат  ба  маърази  намоиш  гузошта мешавад ва  мо  умедворем, ки бозори  Чин  таваҷҷӯҳи  бештари  Тоҷикистонро   ба худ ҷалб  мекунад», —  зикр намуд  Чжун Сзюнвэй.
Мавсуф  ҳамчунин  изҳор  дошт, ки ҷониби  Чин  барои  ҳар  иштироккунандаи  намоишгоҳ  20 гӯшаи  маҷҷониро ихтисос  медиҳад.