Тоҷикистон — Фаронса: муҳокимаи рушди ҳамкорӣ

Душанбе,23.04.2015 (АМИТ «Ховар).- 21 апрел  муовини  вазири  корҳои  хориҷии Тоҷикистон  Низомиддин  Зоҳидӣ  бо сафири  Фаронса  дар  Тоҷикистон  Дидье Лёруа  мулоқот  анҷом дод.
Тавре, ки ВКХ ҶТ хабар медиҳад, ҷонибҳо раванди омодагӣ  ба  конфронси 21- уми  Муоҳадаи фарогири СММ  оид  ба  тайиғири  иқлимро, ки   аз  30 ноябр то 11 декабри соли 2015  дар шахри  Ле- Буржеи Фаронса  баргузор  мегардад, ҳамчунин  иштироки  ҳайати Тоҷикистон дар  конфронсро  мавриди  мухокима  қарор  доданд.
Зимни  мулоқот ҳамчунин  табодули  афкор  аз  рӯи  масоили  рушди  муносибатҳои  дуҷониба  ва густариши  ҳамкории  мутақобилан  муфид  дар  бахшҳои  тиҷорат, иқтисодиёт  ва сармоягузорӣ  баргузор  гардид.