ВКД ҶТ: Боздид аз хоҷагиҳои ёрирасони Раёсати қӯшунҳои дохилӣ
Душанбе, 07.04.2015. (АМИТ «Ховар», Муқаддас Темурзода).-Дирӯз вазири корҳои дохилӣ Раҳимзода Рамазон Ҳамро аз хоҷагиҳои ёрирасони Раёсати қӯшунҳои дохилии Вазорати корҳои дохилӣ боздид ба амал оварда, бо кишту кори баҳорӣ ошноӣ пайдо намуд.
Тибқи иттилои ВКД ҶТ, хоҷагиҳои ёрирасони мазкур масоҳати 50 гектарро ишғол намуда, дар он навъҳои гуногуни ғалладона, аз қабили гандум дар масоҳати 10 гектар, ҷав дар масоҳати 5 гектар, картошка дар масоҳати 7,5 гектар, пиёз, сабзӣ, карам дар масоҳати 2 гектарӣ ва дигар маҳсулоти обчакорӣ: лаблабу, помидор, бодиринг, боимҷон, каду, кабутӣ ва дигар анвои маҳсулот дар масоҳати 10 гектар парвариш ёфта, ҳамасола ҳосили хуб медиҳанд.
Ҳамчунин дар атрофи заминҳои хоҷагиҳои ёрирасон 3 ҳазор дарахти мевадиҳанда шинонида шудааст, ки ҳосили хуб ба бор меоранд.
Вазири корҳои дохилӣ Рамазон Раҳимзода зимни боздид аз хоҷагиҳои ёрирасони Раёсати қӯшунҳои дохилӣ ба масъулини соҳа барои нигоҳубини заминҳои корам, кишту кори баҳорӣ, парвариш намудани дарахтони сершумори мевадиҳанда ва нашъунамои онҳо дастуру супоришҳои мушаххас дод.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






