Вохӯрии С. Аслов бо С. Эллиотт

Душанбе, 30. 04. 2015. (АМИТ «Ховар», Мавҷуда Анварӣ).-Дирӯз вазири корҳои хориҷии Ҷумҳурии Тоҷикистон Сироҷидин Аслов бо Сафири Иёлоти Муттаҳидаи Амрико дар Ҷумҳурии Тоҷикистон Сюзан Эллиотт мулоқот намуд.Зимни вохӯрӣ ҷонибҳо оид ба масъалаҳои вобаста ба муносибатҳои дуҷониба ва дигар масъалаҳои ҷолиби таваҷҷуҳи тарафайн изҳори назар намуданд.Пас аз вохӯрӣ дар бинои вазорат маросими имзои Созишнома байни Ҳукумати Ҷумҳурии Тоҷикистон ва Ҳукумати Иёлоти Муттаҳидаи Амрико оид ба андозбандӣ намудани кормандони маҳаллии Сафорати ИМА дар Ҷумҳурии Тоҷикистон баргузор гардид. Созишномаро раиси Кумитаи андози назди Ҳукумати Ҷумҳурии Тоҷикистон Нусратулло Давлатзода ва Сафири ИМА дар Тоҷикистон Сюзан Эллиотт имзо намуданд.