Ярмаркаи вилоятии ҷойҳои корӣ дар Хуҷанд
Хуҷанд, 07.04.2015. (АМИТ «Ховар», Абдуаҳад Шарифзода).-Дирӯз, 7-апрели соли ҷорӣ дар майдони Регистони бозори Панҷшанбеи шаҳри Хуҷанд ярмаркаи вилоятии ҷойҳои корӣ баргузор гардид. Тавре ки ба АМИТ Ховар сармутахассиси Раёсати Агентии меҳнат ва шуғли аҳолӣ дар вилояти Суғд Наим Дадобоев иттилоъ дод, дар ярмарка зиёда 123 намояндаи ташкилоту муассисаҳои гуногун иштирок намуда, ба корҷӯён 1683 ҷойи корӣ пешниҳод намуданд.
Дар ярмарка 900 нафар шаҳрванди корҷӯй иштирок намуд, ки дар умум ба 98 нафар шаҳрванд барои бо ҷойи кор таъмин гардидан роҳхат дода шуда, 32 нафар ба муассиссаҳои таълимии низоми агентӣ ҷалб шуд.
Бояд гуфт, ки дар се моҳи соли ҷорӣ дар миқёси вилоят алъон 50 маротиба ярмаркаи ҷойҳои корӣ гузаронида шуда, зиёда аз 196 нафар корҷӯй аз тариқи ярмаркаҳо бо кори доимӣ таъмин гардида, зиёда аз 441 нафар шаҳрванд ба касбомӯзӣ ва 113 нафар ба корҳои ҷамъиятии музднок фаро гирифта шуд.
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
