Ғалабаи футболбозони навраси Тоҷикистон

Душанбе, 26.05.2015. (АМИТ «Ховар»).- Марҳалаи   гурӯҳии Ҷашнвораи  минтақавии   футболи Конфедератсияи  футболи  Осиё (U -14)  барои  кишварҳои Осиёи Марказӣ ва  Ҷанубӣ, ки  дар  Академияи клуби  футболи  «Истиқлол»,  воқеъ  дар  шаҳраки  Алмосии  ноҳияи  Ҳисор  идома дошт, анҷом  ёфт.
Тавре  ки аз Федератсияи  футболи  Тоҷикистон  хабар  доданд,  дастаи  мунтахаби наврасони  Тоҷикистон  дар  даври  хотимавии пайти  гурӯҳӣ дастаи Шри — Ланкаро бо  ҳисоби  7:0 мағлуб  сохт. Дар вохӯрии  дигари гурӯҳи  «А»  дастаҳои  Эрон ва  Ҳиндустон  бозиро  бо  ҳисоби  2:2  мусовӣ  карданд.
Имрӯз,  26 май, вохӯриҳои  охирини  ҷашнвора  баргузор  шуда,  дастаҳои Эрону  Покистон,  Непалу  Тоҷикистон ва  Ҳиндустону  Афғонистон  бо  ҳам  вомехӯранд.