Қадрдонии иштирокчиёни фаъол

Май 26, 2015 10:52

Душанбе, 26.05.2015.(АМИТ «Ховар», Некрӯзи Муҳаммадсодиқ).- Бо баргузории як чорабинии фарҳангӣ дар Донишгоҳи технологии Тоҷикистон ҷавонон ва донишҷӯёни фаъоле, ки дар чорабиниҳои фарҳангию маърифатӣ бахшида ба Рӯзи ҷавонон ширкати фаъолона доштанд, қадрдонӣ гардиданд. 
Нуралӣ Шоев, ректори донишгоҳ дар чорабинӣ изҳор дошт, ки донишгоҳ дар тарбияи насли наврас ва ҷавонон саҳми бузург дошта, донишҷӯёни он дар ҳамаи чорабиниҳо иштироки фаъолона доранд.
Аҳтам Абдуллозода, раиси Кумитаи ҷавонон, варзиш ва сайёҳӣ, ки дар ин чорабинии фарҳангӣ иштирок дошт, донишҷӯёнро бо Рӯзи ҷавонон табрик намуда, барои ширкати фаъолонаашон дар чорабиниҳои фарҳангию маърифатӣ дар рӯзҳои ид арзи сипос намуд. Ҳамзамон дар чорабинӣ таъкид шуд, ки ҷавонон барои расидан ба муваффақият ва  роҳ ёфтан ба саодатмандӣ бояд ҳар лаҳзаро бамаврид истифода намоянд. 
Роҳбари ҷавонони мамлакат зикр намуд, ки имрӯз барои ташаккули ҷавонон тамоми заминаҳо фароҳам оварда шудааст. Аз ин рӯ, ҷавонон бояд неруи худро ба созандагию бунёдкорӣ сарф намоянд.
Дар чорабинӣ аз ҷониби Аҳтам Абдуллозода сипосномаи Кумитаи ҷавонон, варзиш ва сайёҳӣ ба Мастона Қобилова, Макнуна Ниёзова, Қудратулло Кабутов, Шӯҳрат Рашидов, Шодӣ Комилов ва ифтихонома ба Шаҳло Муродова, Ситора Содиқова, Марҷона Орипова ва дигарон, ки дар чорабиниҳои фарҳангию маърифатӣ бахшида ба Рӯзи ҷавонон иштироки фаъолона доштанд, супорида шуд. 
Дар фарҷом ба хотири болидаруҳии иштирокчиён аз ҷониби дастаи ҳаваскорони донишгоҳ барномаи фарҳангӣ пешниҳод шуд.
Дар ин бора ба АМИТ «Ховар»  Наврӯз Қурбонов, мутахассиси пешбари Бахши таҳлилу иттилооти Кумитаи ҷавонон, варзиш ва сайёҳӣ хабар дод.
 

Май 26, 2015 10:52

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид