Ҳар кӣ накуном зист…
Душанбе, 05.05.2015. (АМИТ “Ховар”). — 05 майи соли 2015 78-умин солгарди Рустами Абдураҳим дар шаҳри Кӯлоб таҷлил мегардад.
Зиёда аз 23 сол боз чун анъана 05 май намояндагони мақомоти иҷрояи ҳокимияти давлатии вилояти Хатлон, шаҳри Кӯлоб, ноҳияи Муъминобод, фарзандон, хешу табор ва шогирдону ҳаммаслакон дар Қасри фарҳанги ба номи Рустами Абдураҳим бо ҳам омада, аз маҳорати баланд ва санъати волои дуторнавозӣ, ҳазлҳои шакарин ва сухандонии шодравон Рустами Абдураҳим ёд мекунанд.
Беш аз 50 оҳанги шодравон дар хазинаи тиллоии Кумитаи телевизион ва радиои назди Ҳукумати Ҷумҳурии Тоҷикистон маҳфузанд, ки ҳамарӯза садо дода, қалби ҳазорон нафарро таскин мебахшанд. Оҳангҳои Рустами Абдураҳим тараннумгари озодӣ, муҳаббат ба сарзамини аҷдодӣ, васфи ишқу садоқат ба зиндагӣ ва диёри маҳбубамон-Тоҷикистон мебошанд.
Ёди неки Рустами Абдураҳим дар қалбҳои мо ҳамчун “Ходими хизматнишондодаи санъати тоҷик”(пас аз вафот), “Муаллими хизматнишондода” ва билохира ҳамчун фарзанди фарзонаи миллати тоҷик то абад боқӣ хоҳад монд!
Зиндаву ҷовид монд, ҳарки накӯном зист,
К-аз ақибаш зикри хайр зинда кунад номро.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
