Ҷаласаи 38 — уми Шӯрои роҳбарони мақомоти амнияти кишварҳои ИДМ

Душанбе, 21.05.2015. (АМИТ «Ховар»).- Аз 25 то 27 май дар шаҳри Душанбе ҷаласаи 38 уми Шӯрои роҳбарони мақомоти амният ва мутахассисони хадамоти давлатҳои узви Иттиҳоди Давлатҳои Мустақил баргузор мешавад.Тавре ки аз Кумитаи иҷроияи ИДМ хабар доданд, иштирокдорони ҷаласа тадбирҳои муштарак ҷиҳати таъмини амнияти иттилоотии давлатҳои узви ИДМ, роҳҳои афзун намудани самараи ҳамкорӣ дар мубориза бо терроризм ва ифротталабӣ, масъалаи вусъати фаъолияти ифротталабӣ дар фазои ИДМ ва ғайраро мавриди муҳокима қарор медиҳанд.Аъзои Шӯро ҳамчунин масоили ташкили ҳамкорӣ ва табодули иттилоотии мақомоти амният ва хадамоти махсуси давлатҳои узви ИДМ марбут ба таъмини бехатарии чорабиниҳои байналмилалии ҷамъиятию сиёсӣ ва варзишӣ дар Федератсияи Русияро баррасӣ менамоянд.