Ҷаласаи XVI-уми муқовимат бо муомилоти ғайриқонунии маводи нашъаовар
Душанбе, 27. 05. 2015. (АМИТ «Ховар», Мавҷуда Анварӣ).- Дирӯз, 26 май дар шаҳри Душанбе ҷаласаи шонздаҳуми Шӯрои ҳамоҳангсозии роҳбарони мақомоти салоҳиятдор оид ба муқовимат бо муомилоти ғайриқонунии маводи нашъаовари кишварҳои аъзои Созмони аҳдномаи амнияти дастаҷамъӣ баргузор гардид, ки дар кори он намояндагони кишварҳои Русия, Қирғизистон, Арманистон, Беларус ва Қазоқистон иштирок намуданд. Дар ҷаласа тарафҳо натиҷаи фаъолияти Шӯрои ҳамоҳангсозии роҳбарони мақомоти салоҳиятдор оид ба муқовимат бо муомилоти ғайриқонунии маводи нашъаоварро дар нимсолаи аввали соли 2015, дар даҳ соли охир, чораҳоро оид ба таҳияи «Стратегияи зиддимухаддиротии СААД», оид ба натиҷаҳои гузаронидани амалиёти зиддимухаддиротии «Канал-патрул» ва машқҳои фаврӣ-тактикии ҷузъу томҳои таъйиноти махсуси мақомот оид ба муқовимат бо муомилоти ғайриқонунии маводи нашъаовари кишварҳои аъзои СААД муҳокима намуданд.
Инчунин масъалаҳо дар бораи Шӯрои ҷавонони СААД, фаъолияти Донишкадаи ҳуқуқии Сибири Хадамоти Федералии Федератсияи Русия оид ба назорати муомилоти маводи нашъаовар ба ҳайси донишгоҳи таълимии заминавӣ ва такмили ихтисоси мутахассисони соҳаи назорати маводи нашъаовар барои кишварҳои аъзо мавриди муҳокима қарор гирифт.
Дар доираи ҷаласа байни директори АНМН назди Президенти ҶТ Р. Назарзода ва директори Хадамоти Федералии Федератсияи Русия оид ба назорати муомилоти маводи нашъаовар В. Иванов «Созишнома байни АНМН ва ХФНМН оид ба расонидани кумак ба АНМН дар соҳаи назорати воситаҳои нашъаовар, маводи психотропӣ ва прекурсорҳо» ба имзо расид.
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
