Ҷашнвораи «Нигоҳи нав» оғоз шуд

Душанбе, 15. 05. 2015. (АМИТ «Ховар», Мавҷуда Анварӣ).- Имрӯз дар Театри давлатии драмавии русии Тоҷикистон ба номи В. Маяковский ҷашнвора — озмуни ҷумҳуриявии театрии ҷавонон — «Нигоҳи нав» оғоз меёбад. 
Дар ҷашнвора ҳунармандони 7 гурӯҳи театрӣ ширкат меварзанд. Иқдом бо ибтикору ҳамкорӣ ва дастгирии молиявии Вазорати фарҳанг, телевизиони «Сафина», радиоҳои «Ховар», «Ватан», «Имрӯз», Созмони ҳамкориҳои Швейтсария, ширкатҳои ватании «Баҳманрӯд», «Рухом» ва «Мария» роҳандозӣ мешавад. 
Ҳадаф аз баргузории ҷашнвора рушди санъати театрӣ, дарёфти истеъдодҳои нав ва ғанитар намудани ҷаҳони маънавии мардум арзёбӣ мегардад.