30 Рӯзи ҷавонӣ бахшида ба Рӯзи ҷавонон дар Қубодиён

Душанбе, 15.05.2015 (АМИТ «Ховар», Фарзонаи Давлат).-Дирӯз дар доираи нақшаи  чорабиниҳои 30 Рӯзи ҷавонӣ бахшида ба Рӯзи ҷавонони Тоҷикистон таҳти унвони «Ҷавонон-давомдиҳандагони ҳадафҳои олии кишвар» ҷиҳати татбиқи сиёсати иҷтимоии Ҳукумати Тоҷикистон масъулини Кумитаи ҷавонон, варзиш ва сайеҳӣ аз шароити зисту зиндагии тарбиятгирандагони Мактаб-интернати ноҳияи Қубодиёни вилояти Хатлон дидан намуда, ба онҳо либоси мактабӣ тақдим намуданд. 
Сараввал рохбарияти кумита хонандагонро бо Рӯзи ҷавонон шодбош намуда, иброз дошт, ки имрӯз тамоми қишри ҷомеаи зери таваҷҷуҳи Сарвари давлат қарор дошта, барои таълиму зиндагии шоиста шароитҳои.мусоид фароҳам оварда шудаанд.
 Инчунин аз тарафи Кумита барои дар сатҳи баланд доир намудани чорабиниҳои фарҳангию-маърифати маводҳои техникӣ аз ҷумла, қувватфизо, микрофон, таблак, рубоб, доира, аксбардор ба мактаб-интернати мазкур ҳадя карда, дастурхони идона ороста шуд.
 Тарбиятгирандагон дар навбати худ барномаи ҷолиби фарҳангиро барои кулли иштирокчиён омода ва дар васфи Ватан-Модар, дустиву рафоқат ва сулҳу вахдат сурудҳо сароиданд.