Дарсҳои омӯзишии иқтисодии сайёр дар вилояти Суғд
Душанбе, 13.05.2015. (АМИТ «Ховар», Лайло Тоирӣ).-12 ва 13 май дар бинои филиали №23 БДА ҶТ Амонатбонк дар вилояти Суғд дар мавзӯи Усулҳои муосири баҳодиҳии қобилияти бозгашти қарзҳо аз ҷониби мизоҷон ва тартиби нави пардохти қарзҳо дарсҳои омӯзишии иқтисодии сайёр баргузор шуданд. Дарсҳои омӯзиширо тренери варзидаи ҷумҳурӣ, муовини якуми раиси Ассотсиатсияи бонкҳои Тоҷикистон Раҳмат Сайисмонов гузаронид. Бино ба гуфтаи Раҳмат Сайисмонов мақсад аз дарсҳои омӯзишӣ баланд бардоштани сатҳи дониши касбии кормандони муассисаҳои Амонатбонк дар тамоми қаламрави ҷумҳурӣ буда ва аз ин қабл барои кормандони қарзии филиалҳои Амонатбонк дар вилояти Хатлон, ноҳияҳои шаҳри Душанбе ва Вилояти мухтори Бадахшони Куҳӣ чунин дарсҳо баргузор шуданд.Дар шароити кунунӣ, ки рақобат дар бозори ташкилотҳои қарздиҳии кишвар хеле вусъат гирифтааст, кормандони бонкҳо бояд аз усулҳои муосири корбарӣ бо мизоҷон огоҳ бошанд ва бо ин мақсад чунин дарсҳо гузаронида мешаванд, -таъкид дошт Р.Сайисмонов. Ҳамчунин дар назар аст, ки чунин дарсҳои омӯзишии сайёр барои кормандони бонкӣ дар шаҳру ноҳияҳои тобеи марказ барпо гарданд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






