Фурӯши хушкмева ва асал дар «Шоҳмансур» мамнӯъ шуд
Душанбе, 14.05.2015.(АМИТ «Ховар», Марзия Саидзода).-Минбаъд дар бозори «Шоҳмансур»-и Душанбе хушкмева, аз қабили мавиз, писта, бодом, чормағз, фундуқ, донаи зардолу, ғулинг, нахуди бирён, анҷир, инчунин асал фурӯхта намешавад.
Дар ин хусус Маҳмадсаид Убайдуллоев -раиси шаҳри Душанбе қарор ба имзо расонд, ки тибқи он фурӯши хушкмева ва асал дар ин бозор қатъ гардида, фурӯшаш дар бозори «Пойтахт -90» ба роҳ монда мешавад. Ҳадафи ин тадбир бартараф намудани камбудиҳо ҷиҳати ба танзим даровардани ҳаракати нақлиёт дар атрофи бозори «Шоҳмансур, аз байн бурдани ҳолатҳои танбашавии нақлиёт дар кӯчаҳои Нисор Муҳаммад ва Лоҳутӣ арзёбӣ мегардад.
Тибқи ин қарор ба роҳбарияти бозори «Шоҳмансур» дастур дода шудааст, ки минбаъд дар ин бозор ба фурӯши молҳои саноатӣ роҳ надиҳанд ва танҳо фурӯши маҳсулоти кишоварзӣ, агросаноатӣ ва маводи ғизоиро ба истиснои хушкмева ба роҳ монанд.
Инчунин муассисаи «Душанбенақлиётхадамотрасон» муваззаф шудааст, ки ҳолатҳои таваққуфи дарозмуддати воситаҳои нақлиёти мусофиркаши хатсайрҳои №4,8,16,18 ва 67-ро, киаз тариқи роҳҳои атрофи бозори «Шоҳмансур» мегузаранд, бартараф намуда, назорати ҳамарӯзаро дар ин самт ба роҳ монад.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






