Хатми омӯзиши мақомоти ҳифзи ҳуқуқ оид ба ёрии зиддитеррористӣ
Душанбе, 15.05.2015 (АМИТ «Ховар», Фарзонаи Давлат).-Имрӯз,15 майи соли равон муовини роҳбари бахши минтақавии Хадамоти амнияти Сафорати ИМА дар Тоҷикистон Трэй Ҳовертон 22 корманди Вазорати корҳои дохилӣ, Кумитаи давлатии амнияти миллӣ ва Прокуратураи генералии Тоҷикистонро бо хатми курси таълимии «Пурсиши гумонбарони терроризм» дар доираи Барномаи ёрии зиддитеррористӣ (Барномаи АТА) табрик намуд.
Бино ба иттилои сафорати ИМА дар Тоҷикистон, ҳадаф аз гузарондани ин омӯзиш рушди малакаҳои самараноки гӯш кардану мушоҳида кардан мебошад, ки ба иштирокчиён имконият медиҳад маълумоти тавассути пурсиши гумонбарони терроризм ҷамъшударо ба таври васеъ истифода бурда, таҳрифи ин маълумотро коҳиш диҳанд.
Гуфта мешавад курси таълимии мазкур яке аз 4 курси омӯзишии Барномаи АТА мебошад, ки барои кормандони мақомоти ҳифзи ҳуқуқи Тоҷикистон дар соли 2015 ба нақша гирифта шудааст. Омӯзиши мазкур аз тарафи Дафтари Барномаи ёрии зиддитеррористии назди Идораи амнияти дипломатии Департаменти давлатии ИМА маблағгузорӣ гардида, бо дастгирии бахши минтақавии Хадамоти амниятии Сафорати ИМА гузаронида шуд.
Омӯзгорони Барномаи ёрии зиддитеррористӣ дар фаъолияти худ усули “омӯзиши омӯзгорон”-ро истифода бурда, изҳори бовар шуд, ки иштирокчиёни курс дар навбати худ дониши азхудкардаро бо ҳамкасбонашон мубодила хоҳанд намуд.
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
