Мулоқоти вазирони корҳои хориҷии Тоҷикистон ва Ҳиндустон
Душанбе, 14.05.2015 (АМИТ «Ховар»).- 13 майи соли 2015 вазири корҳои хориҷии Ҷумҳурии Тоҷикистон Сироҷидин Аслов бо вазири корҳои хориҷии Ҷумҳурии Ҳиндустон хонум Сушма Свараҷ мулоқот анҷом дод.
Дар вохӯрӣ масъалаҳои мубрами муносибатҳои ду кишвар дар арсаҳои сиёсӣ, иқтисодӣ, фарҳангӣ, низомӣ, кишоварзӣ, консулӣ ва инчунин вазъияти Афғонистон, амнияти минтақа ва дигар мавзӯъҳои мавриди таваҷҷуҳи тарафайн баррасӣ шуданд.
Табодули назари судманд оид ба ҳамкориҳои ду кишвар дар доираи созмонҳои бонуфузи ҷаҳонию минтақавӣ, аз ҷумла СММ, СҲШ сурат гирифт. Ҷонибҳо сатҳи робитаҳо ва ҳамкории кунунии ду кишварро мусбат арзёбӣ карданд.
Дар фарҷоми вохӯрӣ Барномаи ҳамкорӣ байни Вазорати корҳои хориҷии Ҷумҳурии Тоҷикистон ва Вазорати корҳои хориҷии Ҷумҳурии Ҳиндустон барои солҳои 2015-2017 ба имзо расид.
Имрӯз ҳамчунин мулоқоти вазири корҳои хориҷии Ҷумҳурии Тоҷикистон С.Аслов бо мушовир оид ба масъалаҳои амниятии Ҳиндустон Аҷит Довал баргузор шуд. Дар мулоқот ҷонибҳо роҷеъ ба вазъи минтақа ва ҳамкории байни ду кишвар дар масъалаҳои низомию амниятӣ табодули афкор намуданд.
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
