“Суғдиён-Помир тур” 206 нафарро ба Русия интиқол дод

Душанбе, 20.05.2015. (АМИТ  «Ховар», Лайло Тоирӣ).-Дар доираи ҳамкории Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд бо субъектҳои хоҷагидор баъди таҷлили Иди Ғалаба сафарбарии муҳоҷирон ба Федератсияи Русия авҷи тоза гирифт.
Аз ҷумла аз ҷониби ҶДММ “Суғдиён-Помир тур” 206 нафар сокини ноҳияи Ашт дар ҳайати 6 гурӯҳ ба Русия гуселонида шуд. Аксарияти онҳо барои муҳоҷират кишвари Олтой ва минтақаи Сибирро интихоб намудаанд. 
ҶДММ “Сомонэкспрестранс” сафарбарии 31 нафар, ҶДММ “Роҳи Абрешим” 40 нафар муҳоҷири меҳнатиро аз минтақаҳои гуногуни Тоҷикистон ба шаҳри Тюмен ба роҳ мондаанд.
Аз ҷумла, аз  ҷониби ҶС “Иттиҳодияи автовокзалҳо” 23 нафар ба шаҳри Красноярск, 13 нафар ба шаҳри Новосибирск ба муҳлати 1 сол фиристода шуд. 
ҶСк “Нақлиёт” 15 нафар сокини шаҳри Конибодомро ба шаҳри Сургут гуселонид. 
Пеш аз гусел намояндагони Раёсат бо муҳоҷирони меҳнатӣ вохӯрда, онҳоро ба риояи қонуният даъват карданд.