Таъмини муҳоҷирони экологӣ бо қарзҳои имтиёзнок

Душанбе, 12.05.2015. (АМИТ  «Ховар», Лайло Тоирӣ).- Бино ба иттилои  Раёсати муҳоҷирати дохилӣ ва экологӣ дар ҳамкорӣ бо сохторҳои дахлдори мақомоти иҷроияи ҳокимияти давлатии шаҳру ноҳияҳои ҷумҳурӣ, барои аз минтақаҳои хавфнок кўчонидани  350 хоҷагии дар ин мавзеъ ҷойгир буда тадбирҳои зарурӣ андешида мешаванд. Бо фарорасии мавсими гармо ба мавзеъҳои бехавф кўчонидани 34 хоҷагӣ аз ВМКБ, 55 хоҷагии вилояти Суғд, 175 хоҷагии вилояти Хатлон ва 86 хоҷагии  ноҳияҳои тобеи ҷумҳурӣ оғоз мегардад.  
 Тавре ки сухангӯи Хадамоти муҳоҷирати Вазорати меҳнат, муҳоҷират ва шуғли аҳолии ҷумҳурӣ А. Қодирӣ иттилоъ дод, муҳоҷирони кўчонидашаванда бо қарзи имтиёзнок ва кумаки яквақтаинаи моддӣ таъмин мешаванд.