Вохӯрии сафири Тоҷикистон бо директори иҷроияи AWEX
Душанбе, 13.05.2015 (АМИТ «Ховар»).- 11 майи соли 2015 дар шаҳри Брюссел вохӯрии Сафири Фавқулода ва Мухтори Ҷумҳурии Тоҷикистон дар Шоҳигарии Белгия Рустамҷон Солиев бо директори иҷроияи Агентии Валлония оид ба савдои беруна ва сармоягузории хориҷӣ AWEX Паскал Делкомминет баргузор гардид. Зимни суҳбат масоили ҳолати кунунӣ ва дурнамои рушди робитаҳои тиҷоратию иқтисодӣ байни Тоҷикистон ва Шоҳигарии Белгия, бахусус бо вилояти Валлонияи он муҳокима шуданд. Сафири Тоҷикистон ба мусоҳибаш оид ба вазъи сиёсӣ ва иҷтимоию иқтисодии кишвар, чораҳои Ҳукумат ҷиҳати беҳсозии фазои сармоягузорӣ ва соҳибкорӣ, инчунин соҳаҳои авлавиятноки иқтисодиёти миллии мавриди ҳавасмандии сармоягузорон ва доираҳои соҳибкории хориҷӣ маълумоти муфассал дод. Ҳамзамон ба намояндаи баландпояи Агентии AWEX маводи иттилоотӣ оид ба имконоти сармоягузории Тоҷикистон супорида шуданд. Сафир Р.Солиев ҳамчунин изҳори умедворӣ намуд, ки ҷониби Белгия якҷоя бо ҷониби Тоҷикистон ҷиҳати татбиқи иқтидори бузурги истифоданошудаи ҳамкории дуҷонибаи тиҷоратию иқтисодӣ тадбирҳои муштарак хоҳад андешид. Дар ин робита, нақши афзалиятноки узвияти ҷумҳурӣ дар Созмони ҷаҳонии савдо, ки ба либерализатсияи қонунгузории миллии марбут ба савдои беруна, сармоягузорӣ ва коҳиши боҷҳои гумрукӣ мусоидат кардааст, таъкид гардид. Директори иҷроияи AWEX соҳаҳои авлавиятноки рушди муносиботи тиҷоратӣ, сармоягузорӣ ба иқтисоди Тоҷикистон ва иқдомҳои босамарро оид ба фароҳам овардани шароити мусоид барои сармоягузорони хориҷӣ мусбат арзёбӣ намуда, омодагии худро ҷиҳати ҷонноксозии ҳамкорӣ бо Тоҷикистон иброз дошт. Боиси зикр аст, ки Агентии AWEX муассисаи давлатии Шоҳигарии Белгия буда, ҷиҳати пешбурди маҳсулот ва хизматрасонии вилояти Валлония дар хориҷа ва ҷалби сармоягузории хориҷӣ вазифадор аст.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






