17 399 шаҳрванди Тоҷикистон дар рӯйхати мамнӯъшудагон аст
Душанбе, 15.07.2015. (АМИТ «Ховар», Лайло Тоирӣ).- Дар нимсолаи аввали соли равон ҳангоми санҷиши шаҳрвандон пеш аз сафар ба Федератсияи Русия муайян гардид, ки 17 ҳазору 399 шаҳрванди кишвар дар рӯйхати мамнӯъшудагони махзани маълумоти Хадамоти муҳоҷиратанд.
Ба иттилои сухангӯи Хадамоти муҳоҷират Абдуллоҳи Қодирӣ дар давраи ҳисоботӣ ба Хадамоти муҳоҷират ва зерсохторҳои он 46 ҳазору 221 шаҳрванд муроҷиат кардааст, ки аз онҳо 43 892 нафар шифоҳӣ, 343 нафар хаттӣ ва 1986 нафар аз тариқи телефони боварӣ муроҷиат кардаанд.
Шаҳрвандон бештар бо масъалаи муайян намудани ҳолати беруншавӣ (депортатсия) аз Федератсияи Русия, қонунгузории кишвари кордиҳанда, гирифтани патент дар Федератсияи Русия, барқарор намудани ҳуҷҷатҳои гумшуда муроҷиат менамоянд.
Ҳоло рӯйхати шаҳрвандоне, ки сафарашон ба Федератсияи Русия манъ гардидааст, то 15 майи соли 2015 ба тамоми зерсохторҳои Хадамоти муҳоҷират дастрас шуда, шаҳрвандони ҷумҳурӣ метавонанд пеш аз сафар ба Федератсияи Русия дар маҳали зисти худ аз санҷиш гузаранд.
Имрӯз дар шаҳри Душанбе ҳаво то 44 дараҷа гарм мешавад
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
