30 тонна шир барои сокинони Душанбе

Ҳисор, 9.07.2015. (АМИТ «Ховар», Ҳотами  Шариф).-Чорводорони ноҳияи Ҳисор ҳар рӯз ба сокинони шаҳри Душанбе беш аз 30 тонна шири аълосифат мефурӯшанд. Дар ин бобат чорводорони хоҷагиҳои Латиф Муродов, «Баракати чорводор», КВД «Сумбула», хоҷагии «Сахӣ» ва  чорводорони инфиродӣ пешсафанд. 
Чорводорони ноҳияи Ҳисор тавассути омӯзиши таҷрибаи пешқадам, хушзот кардани чорвои ширдеҳ ва мунтазам таъмин кардани чорво бо хӯроки серғизо ба ин комёбӣ мушарраф гаштаанд. Тибқи иттилои Маркази минтақавии ташхисҳои байторӣ дар ноҳияи Ҳисор шир ва маҳсулоти ширӣ баробари ба организми инсон фоидаи мукаммал доштан, боз барои пешгирии бемориҳои гуногун низ заруранд.