Ҷаласаи Гурӯҳи корӣ бо мақсади иҷрои уҳдадориҳои ҶТ дар назди СУС
Душанбе, 09.07.2015. (АМИТ «Ховар»). — 9-уми июли соли 2015 дар Вазорати рушди иқтисод ва савдо бо дастгирии БРСММ дар Ҷумҳурии Тоҷикистон ҷаласаи сеюми Гурӯҳи корӣ бо мақсади ҳамоҳангсозии фаъолияти мақомоти давлатӣ ва ташкилоти байналмилалӣ доир ба иҷрои уҳдадориҳои Ҷумҳурии Тоҷикистон дар назди Созмони умумиҷаҳонии савдо (СУС) таҳти роҳбарии муовини якуми вазири рушди иқтисод ва савдо Саидраҳмон Назриев сурат гирифт.
Дар чорабинӣ намояндагони вазорату идораҳои дахлдори ҷумҳурӣ ва масъулини ташкилоту созмонҳои байналмилалии муқими кишвар иштирок намуданд.
Дар ҷаласа иҷрои қарори Ҳукумати Ҷумҳурии Тоҷикистон «Дар бораи Барномаи мутобиқгардонии иқтисодиёти Ҷумҳурии Тоҷикистон бинобар узвият дар СУС» дар нимсолаи аввали соли 2015 аз ҷониби вазорату идораҳои дахлдор ва гузориш оид ба корҳои дар ин самт ба сомонрасонида, инчунин нақшаи пешбинишудаи ташкилоти байналмилалӣ шунида шуд.
Қобили тазаккур аст, ки то имрӯз гурўҳи кории мазкур ду ҷаласаи кории худро, рӯзҳои 15 апрел ва 12 июни соли равон бо иштироки васеи аъзои Гурӯҳ ва намояндагони ташкилоти байналмилалӣ баргузор намуд.
Чорабинии мазкур дар асоси Созишномаи дутарафа байни Вазорати рушди иқтисод ва савдои ҶТ ва БРСММ дар доираи лоиҳаи минтақавии “Аврупои фарох: Мусоидати савдо барои кишварҳои Осиёи Марказӣ” ташкил шуд.
Дар доираи ташаббуси мазкур БРСММ барои баланд бардоштани иқтидори мутахассисони вазорату идораҳои марбутаи кишвар мусоидат карда, саъю кӯшишро ҷиҳати ҳамоҳангсозӣ ва ҳамкории шарикон дар татбиқ ва такмили қонунгузории кишвар дар соҳаи савдо дастгирӣ менамояд.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
