Ҳалокати 20 нафар сокинони вилояти Хуст бар асари таркиш

Душанбе, 13.07.15. (АМИТ «Ховар»). — Шоми  рӯзи 12 июл  силоҳбадасти  фидоӣ  худро  дар  ҳудуди  вилояти  Хусти  Афғонистон дар  шафати  нуқтаи  назоратии  пулис  тарконид. 
Бар  асари  ин таркиш, ки дар  маҳали  серодами  шаҳр  рух дод,  асосан сокинони  осоишта  осеб  диданд. Тавре  ки  Агентии  иттилоотии  «Пажвок»  хабар  медиҳад,  камаш 20  нафари  захмишуда  ҳалок  гардида,  13 нафари  дигар  дар  беморхона  бистарӣ  шуданд. Ҳукуматдорони  маҳаллӣ  хавф  мебаранд, ки минбаъд теъдоди  осебдидагон  метавонад  афзояд. 
Аз  рӯи  ин  ҳодиса  тафтишот  оғоз  ёфтааст. Масъулияти ин  тахриботро то  ҳол ягон  гурӯҳи  мухолифини оштинопазири  мусаллаҳ ба  дӯши  худ  нагирифтааст.