Амалиёт барои берун рондани ДИИШ аз вилояти Анбор

Душанбе, 14.07.2015. (АМИТ «Ховар», Тоҷиддин Аҳмадзода)-Сухангӯи артиши Ироқ  мегӯяд, артиши ин кишвар рӯзи душанбе даст ба амалиёте барои берун рондани ДИИШ аз вилояти  Анбор задааст. Яхё Расул Абдулло, сухангӯи артиши Ироқ гуфт: ин амалиёт соати панҷи бомдоди рӯзи душанбе бо ширкати неруҳои артиш, шибҳинизомиёни шиа, неруҳои махсус, полис ва қабилаҳои маҳаллӣ барои озодсозии Анбор оғоз шудааст. Тибқи гузориши Алҷазира, дар ин амалиёт панҷ  ҳазор нафар ширкат дорад. Тибқи гуфтаи ин сарчашмаи хабарӣ эҳтимол дорад ин амалиёт барои бозпасгирии Фалуҷа мутамарказ шуда бошад. Неруҳои эътилоф пойгоҳи радио ва марказхои ВАО-и ДИИШ-ро ҳадаф қарор додаанд.