Ҳамоиш оид ба баррасии мавқеи зан — модар дар оила ва ҷомеа

Душанбе, 30.07.2015. (АМИТ «Ховар»).-Имрўз дар Агентии «Тоҷикстандарт» бо иштироки муовини аввали раиси Кумитаи кор бо занон ва оилаи назди Ҳукумати Ҷумҳурии Тоҷикистон М.Алимова таҳти унвони «Мавқеи зан — модар дар оила ва ҷомеа» ҷамъомад доир гардид.
Ҷамъомадро муовини директори Агентии «Тоҷикстандарт» Каромат Саидова оғоз намуда, аз ҷумла изҳор дошт, ки эълон намудани Соли оила иқдоми саривақтӣ буда, он барои баланд бардоштани маърифати ҳуқуқии аҳолӣ, таҳкими хонавода ва танзими муносибатҳои оиладорӣ равона гардида, ба солим гардидан ва нашъунамо ёфтани оилаҳои кишвар бисёр мусоидат менамояд.
Муовини аввали раиси Кумитаи кор бо занон ва оила М.Алимова барои солимии ҷомеа, ки аз оилаи солим маншаъ мегирад, танзими никоҳи байни хешовандон, ки имрўз дар ҷомеаи мо омили асосии таваллуди насли носолим гардидааст ва дигар паҳлуҳои оиладорӣ андешаҳои хешро бо таҳлилу  рақамҳо баён намуд.
Дар охир як зумра кормандони агентӣ нисбат ба масъалаи мазкур табодули афкор намуда, ҳамзамон пешниҳодоти худро мазур намуданд.