«Баҳор» ба қабули фарзандони хизматчиёни ҳарбӣ шурӯъ намуд

Душанбе, 15.07.2015. (АМИТ «Ховар», Лайло Тоирӣ).- Бо анҷоми соли хониш фароғатгоҳи «Баҳор» қабули фарзандони хизматчиёни ҳарбиро дар басти аввал шурӯъ намуд. Тавре ки аз Вазорати мудофиа иттилоъ доданд, дар фароғатгоҳ дар як баст беш аз 150 наврас ба истироҳат фаро гирифта мешавад. Дар  ояндаи наздик масъулини истироҳатгоҳ  азм доранд, ки ҷои хоб ва дигар мавзеъҳои маишиву фароғатии онро барои 300 нафар омода намоянд. 
Мувофиқи маълумоти масъулини истироҳатгоҳи мазкур басти дуюми он аз 20-уми июл оғоз гардида, дар  он на танҳо фарзандони хизматчиёни Вазорати мудофиа, балки дигар сохторҳои қудратӣ ва фарзандони шахсони ғайринизомӣ низ метавонанд истироҳат намоянд. Қобили зикр аст, ки ҳар сол дар фароғатгоҳи «Баҳор»-и минтақаи Ромит фарзандони хизматчиёни ҳарбӣ дар се баст истироҳат мекунанд.