Бе назорати гумрукӣ ворид кардани тухми мурғ
Душанбе, 30.07.2015. (АМИТ «Ховар»).-Ҳангоми гузаронидани амалиёти гумрукӣ дар роҳи Хуҷанд-Душанбе, ду воситаи нақлиётӣ таҳти идорат шаҳрвандон М.Раҳимов ва Валиҷони Тоҳирӣ, инчунин дар роҳи мошингарди самти ноҳияи Б.Ғафуров — Ҷ.Расулов воситаи нақлиёти дигар таҳти идораи О.Ғафуров боздошт гардида, мавриди тафтиши гумрукӣ қарор дода шуд.
Тибқи иттилои Хадамоти гумруки назди Ҳукумати Ҷумҳурии Тоҷикистон, дар натиҷаи гузаронидани муоинаи гумрукӣ аз бордонҳои воситаҳои нақлиётӣ ба миқдори 371 ҳазору 520 дона тухми мурғи истеҳсоли Ҷумҳурии Қазоқистон дарёфт гардид. Моли мазкур ба шаҳрванд А.Холиқов, истиқоматкунандаи ноҳияи Б.Ғафуров тааллуқ дошта, арзиши умумии он аз 204 ҳазору 336 то 211 ҳазору 766,4 сомониро ташкил медиҳад. Шаҳрванд моли мазкурро бо маслиҳати пешакӣ аз Ҷумҳурии Қирғизистон ба қаламрави гумрукии Ҷумҳурии Тоҷикистон бо роҳҳои ғайрирасмӣ бидуни назорати гумрукӣ ворид намудааст.
Аз рӯи ҳолати мазкур нисбат ба шаҳрванд А. Холиқов парвандаи ҷиноятӣ оғоз шуда, тафтиш дар ин самт идома дорад.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
