Дар Суғд истеҳсоли маҳсулоти саноатию кишоварзӣ меафзояд

Душанбе, 16.07.15. (АМИТ «Ховар»). – «Дар  нимсолаи  якуми  соли  2015  ҳаҷми истеҳсоли  маҳсулоти  саноатӣ  ба 2 миллиарду  100 миллион  сомонӣ  расид, ки  нисбат  ба   соли  2014  баробари 451 миллиону  900  ҳазор  сомонӣ зиёд  аст», — гуфт  муовини  раиси  вилояти  Суғд  Сулаймон  Зиёев  дар  ҷараёни  нишасти  матбуотӣ.
«Соли гузашта ҳаҷми  рушди  саноати  вилоят  бо назардошти   нархҳои  мавҷуда 123,2  фоизро  ташкил  дода,  дар  нимсолаи  якуми   соли  ҷорӣ  баробари 128,2  фоиз  буд»,  —  афзуд  Сулаймон  Зиёев. 
Ҳаҷми  умумии  истеҳсоли  маҳсулоти  кишоварзӣ  нисбат ба  соли 2014  баробари  104,4  фоиз  афзуда, 1 миллиард  сомониро ташкил  дод.