Дар вилояти Пактиё 130 нафар силоҳбадастони «Толибон» кушта шуданд

Душанбе, 15.07.15. (АМИТ «Ховар»). —  Тайи  моҳи  гузашта  дар  ҷараёни амалиёти  ҳарбӣ  дар  ҳудуди  вилояти Пактиёи  Афғонистон  камаш  130  нафар  силоҳбадастони  «Толибон» кушта  шуданд, хабар  дод  сардори  пулиси  вилояти  мазкур  генерали   бригада  Залмай  Ориёхейл.
Гуфта  мешавад, ки баробари  кушта  шудани  130  нафар  шӯришгарон  боз  қариб  80  нафари онҳо   захмӣ  шуданд. Мувофиқи  маълумоти  расмӣ, аз  ҷониби  мақомоти  ҳифзи  ҳуқуқ 3 нафар  ҳалок  гардида, 4  нафари  дигар  осеб  дидааст. 
Назар  ба  хабари Агентии иттилоотии  «Пажвок», бар  асари  мушакпарронии  шӯришгарон 2  духтар  ҳалок гардида, 5 нафар  сокинони  осоишта захм  бардоштаанд.