Дастовардҳои хонандагони тоҷик дар олимпиадаҳои байналхалқӣ

Душанбе, 20.07.2015. (АМИТ «Ховар», Раъно Нусратуллозода).- Аз 4 то 16 июл дар Шоҳигарии Таиланд хонандагони литсейҳои лаёқатманди ҷумҳурӣ дар олимпиадаи ҷаҳонӣ аз фанни математика иштирок намуда, сазовори ду ҷойи ифтихорӣ гардиданд. 
 Тавре ки аз Вазорати маориф ва илми ҷумҳурӣ иттилоъ доданд, инчунин аз 5 то 17 июл дар Федератсияи Русия хонандагони муассисаҳои таҳсилоти миёнаи умумӣ ва литсейҳои президентӣ дар олимпиада аз фанни метаматика иштирок намуда, соҳиби 2 ҷойи аввал, 2 ҷойи дуюм ва 4 ҷойи сеюм гардиданд. Миёни дастаҳо дастаи хонандагони тоҷик бо дарёфти 8 медал мақоми аввалро соҳиб гардид. 
         Мавриди зикр аст, ки хонандагони тоҷик дар олимпиадаҳои байналхалқӣ фаъолона ширкат намуда, сазовори 99 медал, аз ҷумла 20 медали тилло, 24 медали нуқра ва 55 медали биринҷӣ гардидаанд.