Дастовардҳои мо аз Ваҳдати миллист

Душанбе, 02.07.2015. (АМИТ «Ховар», Лайло Тоирӣ).- Ҷашни Ваҳдати миллӣ  бунёдкориву созандагӣ, накукорӣ, сулҳу дӯстӣ ва ободкориҳоро дар худ таҷассум мекунад ва хизматчиёни ҳарбии Қувваҳои Мусаллаҳ низ ба он диқати ҷиддӣ доранд.
18-умин солгарди рӯзи Ваҳдати миллӣ дар тамоми ҷузъу томҳои Қувваҳои Мусаллаҳ бо шукӯҳи хосса доир  шуд.
Зикр шуд, ки маҳз  дар натиҷаи ба даст овардани фазои сулҳу ором дар муддати кӯтоҳ сохтмони биною иншооти аҳамияти ҳарбидошта, ташкилу муҳайё намудани шароити таълимиву маишӣ барои хизматчиёни ҳарбӣ, шаҳракҳои ҳарбиву варзишӣ, синфхонаҳои муҷаҳҳази дарсӣ дар як вақт бо сифати баланд ва бо роҳу усулҳои замонавӣ бунёд  шуданд.
Ҳар сол ба муносибати таҷлили Ваҳдати миллӣ байни взводу ротаҳо, баталону бригадаҳои алоҳидаи Вазорати мудофиа ва қисму воҳидҳои низомии навъҳои Қувваҳои Мусаллаҳ чорабиниҳои гуногуни сиёсиву фарҳангӣ ва мусобиқаҳои мухталифи ҳарбиву варзишӣ дар сатҳи баланд роҳандозӣ мешаванд.