Давронҷон Эргашев дар дастаи «Жетису» капитан интихоб шуд

Душанбк, 15.07.2015 (АМИТ «Ховар», Фарзонаи Давлат).- Муҳофизатгари дастаи мунтахаби миллии Тоҷикистон Давронҷон Эргашев капитани тими “Жетису”-и Қазоқистон интихоб шуд. 
Бино ба иттилои Федератсияи футболи Тоҷикистон, легионери 27-солаи тоҷик бо нишони капитанӣ дастаи “Жетису”-ро дар бозии даври 20-уми премйер-лигаи Қазоқистон ба муқобили “Ордобас”-и Шимкент ба майдон баровард. Бозӣ бо ҳисоби 3:0 ба фоидаи дастаи муҳофизатгари тоҷик анҷом ёфт. 
Баъди 20 давр дастаи “Жетису” бо 14 имтиёз зинаи ёздаҳуми ҷадвали премйер-лигаи Қазоқистонро ишғол кардааст. Бозии навбатии худро “Жетису” рӯзи 18 июл дар сафар бо “Остона” мегузаронад.