Душанбе ба нишасти Сарони СААД омодагӣ мегирад

Душанбе, 14.07.2015.(АМИТ «Ховар», Марзия Саидзода).- Бояд тазаккур дод, ки 14-15 сентябри соли равон Душанбе мизбони чорабинии муҳими сиёсӣ  — баргузории нишасти  Сарони давлатҳои Созмони аҳдномаи амнияти дастаҷамъӣ /СААД/ мегардад. Шаҳрдории Душанбе барои дар сатҳи баланди ташкилӣ доир намудани ин нишаст аз ҳоло  омодагӣ мегирад. Дар иртибот ба ин Маҳмадсаид Убайдуллоев-раиси шаҳри Душанбе дар ҷаласаи шаҳрдорӣ ба масъулини ниҳодҳои  марбутаи пойтахт дастур дод, ки Душанберо ба ин чорабинии бонуфуз ва муҳими сиёсӣ ҳаматарафа  омода созанд.
      Инчунин раиси шаҳр ба сохторҳои дахлдор супориш додааст, ки рӯйхати иншоотеро, ки аз ҳисоби буҷет ба ифтихори ҷашни Истиқлолияти давлатии Тоҷикистон бунёд мегарданд, таҳия созанд.