Душанбеву Деҳлӣ муносиботро тақвият мебахшанд
Душанбе, 10.07.2015.(АМИТ «Ховар», Марзия Саидзода).-Интизор меравад, ки зимни сафари давлатии Сарвазири Ҷумҳурии Ҳиндустон Нарендра Моди ба Ҷумҳурии Тоҷикистон байни ду кишвар созишномаҳо баста шаванд.
Абдулфайз Атоев- сардори Раёсати иттилоот, матбуот, таҳлил ва тарҳрезии сиёсати хориҷии Вазорати корҳои хориҷии Тоҷикистон 10 июл дар ҷараёни брифинг дар Душанбе ба намояндагони расонаҳои хабарии маҳалию хориҷӣ гуфт, ки муносибатҳои дипломатии Тоҷикистону Ҳиндустон 28 августи соли 1992 барқарор гардиданд. Дар ин муддат сафарҳои ҳайатҳои баландпояи ҳукумати ҳар ду кишвар пайваста сурат мегиранд, ки онҳо дар муносиботи Тоҷикистону Ҳиндустон заминаҳои устувор мегузоранд.
Намояндаи масъули идораи сиёсати хориҷии Тоҷикистон афзуд, ки то ба имрӯз Президенти Ҷумҳурии Тоҷикистон Эмомалӣ Раҳмон се маротиба бо сафари расмӣ дар солҳои 1993, 1995, 2001 ва ду бор бо сафари давлатӣ дар солҳои 2006 ва 2012 ба Ҷумҳурии Ҳиндустон сафар кардааст. Абдулфайз Атоев гуфт ки дар ҷараёни ин сафарҳо созишномаву санадҳо дар бахшҳои мухталифи ҳамкорӣ -иқтисод, тиҷорат, тиб (дорусозӣ), тандурустӣ, кишоварзӣ, варзиш ва сайёҳӣ, фарҳанг, маориф ва илму технология ба имзо расиданд, ки дар самти таҳкими ҳамкории минбаъдаи гуногунҷанба мусоидат менамоянд.
Ёдовар мешавем, ки ҳанӯз соли 2003 Сарвазири вақти Ҳиндустон Атал Биҳари Ваҷпай низ ба Ҷумҳурии Тоҷикистон бо сафари расмӣ ташриф оварда буд. Ҳамзамон дигар роҳбарони воломақоми Ҳиндустон ба Тоҷикистон ташриф оварда, дар тақвияти муносиботи ду кишвар -Тоҷикистон ва Ҳиндустон нақши муаасир гузоштаанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






