Фазл Ҳодӣ Муслимёр: Силоҳбадастони ДИИШ ба кӯҳсор гурехтанд

Душанбе, 13.07.15. (АМИТ «Ховар»). – Раиси Палатаи  болоии парлумони  Афғонистон  Фазл  Ҳодӣ  Муслимёр  изҳор  дошт, ки силоҳбадастони «Давлати  исломӣ»,  ки  дар  ҳудуди  вилояти  Нангарҳори  Афғонистон бадкирдорӣ  мекарданд, баъди  ҳамлаи  тайёраҳо ба  кӯҳсор   рӯ ба  гурез  оварданд. 
«Дар  натиҷаи ҳамлаи тайёраҳои низомии  қувваҳои  Афғонистон  силоҳбадастони  ДИ  талафоти бузург  дода,  дар  кӯҳсор  паноҳгоҳ  меҷӯянд», —  гуфт  Муслимёр. 
Волии  вилояти  Нангарҳор  Салимхон  Қундузӣ изҳор  дошт, ки ҷангиёни  Покистон аз  сарҳад  гузашта, ба  сафҳои  ДИИШ  дар  Афғонистон  дохил  мешаванд.
Ёдовар  мешавем, ки  тайи  ҳафтаи  гузашта  бар  асари ҳамлаҳои тайёраҳои  низомии  қувваҳои  Афғонистон  се  нафар қумондонҳои  калони  «Давлати  исломӣ»,  аз ҷумла  Шаҳидулло  Шаҳид,  Гулзамон ва  пешвои  ДИ  дар  Афғонистону  Покистон  Ҳафиз  Саид  кушта шуданд.