Х. Холиқназаров: Ҷавонон аз шабакаҳои иҷтимоӣ низ ба гурӯҳҳои ифротӣ ҷалб мегарданд

Душанбе, 06.07.2015 (АМИТ «Ховар», Фарзонаи Давлат).-Гузариши 80 дарсади аъзои гурӯҳҳои ифротӣ аз тариқи қаламрави Русия ва Туркия сурат мегирад,-гуфт ба рӯзноманигорон директори Маркази тадқиқоти стратегии назди Президенти кишвар Худобердӣ Холиқназар имрӯз, 6-уми июл зимни нишасти матбуотӣ.
Ба иттилои мавсуф, аксари он ҷавононе, ки шомили гурӯҳҳои ифротӣ мешаванд, мехоҳанд малакаи динии худро дар масҷидҳо сайқал диҳанд,. Баъдан онҳо аз ҷониби нафарони махсуси ифротгаро назорат мешаванд. Ин нафарон дараҷаи саводнокии онҳоро санҷида, сипас бо найранг онҳоро ба ин гурӯҳҳо ҷалб мекунанд. Ҳамчунин гуфта шуд, ки аксари онҳо аз тариқи шабакаҳои иҷтимоӣ-интернетӣ ба ин гурӯҳҳо шомил мешаванд. Ҷалби ҷавонон аз тариқи шабакаҳои иҷтимоӣ оддитарин кор аст,-афзуд директори Маркази тадқиқоти стратегии назди Президенти кишвар Худобердӣ Холиқназар имрӯз, 6-уми июл зимни нишасти матбуотӣ ба хабарнигорон .
Ба таъкиди директори Маркази тадқиқоти стратегӣ, теъдоди воридшавии гурӯҳҳои ифротӣ аз сарҳади Афғонистон ба кишвар на он қадар зиёд аст ва ҳар нафаре, ки аз тариқи ин сарҳад вориди  Тоҷикистон мешавад, таҳти назорат қарор мегирад.