«Харитаи бостоншиносии водии Ҳисори Тоҷикистон» нашр шуд
Душанбе, 02.07.2015 (АМИТ «Ховар», Фарзонаи Давлат).-Нашриёти «Дониш» -и Академияи илмҳои Ҷумҳурии Тоҷикистон китоби «Харитаи бостоншиносии водии Ҳисори Тоҷикистон» (Археологическая карта Таджикистана Гиссарская долина)-ро бо забони русӣ аз чоп баровард, ки барои 3000- солагии Ҳисор ҳамчун китоби ҷашнӣ арзёбӣ гардидааст.
Бино ба иттилои АИТ, китоби мазкур бо ташаббуси Раёсати Академияи илмҳои Ҷумҳурии Тоҷикистон ва Институти таърих, бостоншиносӣ ва мардумшиносии ба номи А.Дониши АИ ҶТ интишор шуда, туҳфаи хубест ба ҷашни 3000-солагии Ҳисори Шодмон.
Муаррифи китоб муаррих Т.М.Атахонов буда, он таҳти назари академик Раҳим Масов аз чоп баромадааст.
Дар китоб ёдгориҳои таърихии ин минтақа аз асри сангин сар карда, то охири асрҳои миёна (асрҳои XVII-XVIII) қаламдод гардидаанд. Китоб барои муаррихон, бостоншиносон, омӯзгорони мактабҳои миёна ва олӣ, кишваршиносон, муҳаққиқон ва кормандони бахши барқарорсозӣ ва ҳифзи ёдгориҳои таърихию фарҳангӣ нигошта шуда, инчунин барои оммаи васеи хонандагон тавсия дода шудааст.








Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд






