Иштирокчиёни муҳорибаҳои Ироқу Сурия дар кофтукови байналмилалианд

Душанбе, 31.07.2015. (АМИТ «Ховар», Лайло Тоирӣ).- Шахсияти  қариб ҳамаи нафарони дар муҳорибаҳои ҷангии давлатҳои Ироқу Сурия иштирок дошта муайян карда шуда, парвандаҳои ҷиноятӣ оғоз гардида,  нисбат ба онҳо кофтукови байналмилалӣ ба роҳ монда шудааст. 
Прокурори генералии ҶТ Раҳмон Юсуф Аҳмадзод имрӯз зимни нишасти матбуотӣ хабар дод, ки  дар натиҷаи чораҳои андешида 1032 бинои қаблан ба сифати масҷиди ғайрирасмӣ фаъолиятдошта ба ҷойҳои ҷамъиятӣ ва марказҳои фарҳангию фароғатӣ табдил дода шуданд. 
Мақомоти прокуратура бо назардошти шиддатнокии болоравии   қурби асъори хориҷӣ баҳри таъмини назорати иҷрои қонунгузорӣ дар ин самт бо ҷалби кормандони мақомоти ҳифзи ҳуқуқ, Бонки миллӣ санҷишҳои муштарак гузаронида, 606 ҳолати қонунвайронкуниҳоро ошкор карда, 70 парвандаи ҷиноятӣ ва 536 парвандаи ҳуқуқвайронкунии маъмуриро оғоз намуд.