Истиқболи арзандаи кӯдакон аз ҷашни Ваҳдат

Ваҳдат, 01.07. 2015. (АМИТ “Ховар”, Субҳониддини Маҳмуд).- Дар  чорабиниҳои ҷашнӣ дар шаҳри Ваҳдат  зиёда аз 300 нафар кӯдакону наврасон  ширкат карда, беҳтаринҳо сазовори  нишону ифтихорномаҳо гардиданд.                                                                                                                                                                                                Рӯзи Ваҳдати миллиро шогирдони Маркази эҷодии кӯдакону  наврасони шаҳр бо силсилаи озмуну мусобиқоти хотирнишини ҳунарию варзишӣ истиқбол намуданд.  Бахшида ба ҷашн  дар маркази мазкур озмуни  » Расми беҳтарин »  ва мусобиқоти варзишӣ миёни  наврасон  доир ба кикбоксинг, таэквандо, вазнбардорӣ, футбол ва сайёҳӣ гузаронида шуданд.                            
Бояд хотиррасон   кунем, ки чорабиниҳои мазкур  бо ташаббуси роҳбари маркази эҷодии кӯдакону наврасон Зуҳро Табарова ва  дастгирии  сардори Раёсати маорифи шаҳр Холмаҳмад  Тураев  омода  ва ба  сокинон  пешниҳод гардиданд.