Иваз кардани буғуми 115 бемор ба буғуми сунъӣ

Душанбе, 08.07.2015. (АМИТ «Ховар», Лайло Тоирӣ).-  Дар давраи ҳисоботӣ дар муассисаҳои тиббии мамлакат дар 115 бемор амалиёти ҷарроҳии иваз намудани буғум ба буғуми сунъӣ  гузаронида шуд. Дар  ин бора имрӯз, 8 июл зимни нишасти матбуотӣ вазири тандурустӣ ва ҳифзи иҷтимоии аҳолӣ Нусратулло Салимзода иттилоъ дод.
Ба қавли вазир дар  муассисаҳои давлатии тиббии ҷумҳурӣ  дар маҷмўъ 625 амалиёти ҷарроҳӣ дар дилу рагҳо, 672 амалиёти ангиография ва 161 амалиёти стентгузорӣ гузаронида шудааст. 
Дар Муассисаи давлатии «Маркази миллии илмии пайвандсозии узв ва бофтаҳои инсон» аз марҳилаи ифтитоҳ то инҷониб ба 149 бемор амалиёти пайвандсозии гурда ва ба 5 нафар амалиёти  ҷарроҳии пайвандсозии ҷигар, дар 6 моҳи соли равон ба 33 бемор амалиёти пайвандсозии гурда ва ба 2 нафар ҷарроҳии пайвандсозии ҷигар гузаронида шудааст. 
“Дар давраи ҳисоботӣ дар Маркази мазкур шуъбаи пайвандсозии ҷигар ва гипертензияи порталӣ иборат аз 10 ҳуҷра ва 20 кат ба истифода дода шуд”,-илова намуд Нусратулло Салимзода .