Курсҳои такмили ихтисос дар Раёсати Хадамоти муҳоҷирати Хатлон

Душанбе, 25.07.2015 (АМИТ «Ховар», Лайло Тоирӣ).-  Дар муассисаи давлатии «Маркази такмили ихтисос ва бозомўзии кормандони системаи меҳнат, муҳоҷират ва шуғли аҳолӣ» аз 20 то 25-уми июли соли 2015 курсҳои сайёри 6-рўзаи такмили ихтисос барои мутахассисони соҳаи муҳоҷирати меҳнатии Раёсати Хадамоти муҳоҷират дар вилояти Хатлон ва бахшҳои он аз шаҳру навоҳии вилоят ташкил шуд.
Тибқи фармоиши вазири меҳнат, муҳоҷират ва шуғли аҳолии Ҷумҳурии Тоҷикистон «Дар бораи нақшаи гузаронидани курсҳои такмили ихтисос ва бозомўзии кормандони дастгоҳи марказӣ ва сохторҳои системаи вазорат барои соли 2015» маблағи сафархарҷии кормандон аз ҳисоби маблағҳои Хадамоти муҳоҷират ҷудо мешаванд.