Маҳви 24 ситезаҷӯ дар Афғонистон

Душанбе, 23.07.2015. (АМИТ «Ховар», Тоҷиддин Аҳмадзода)-Неруҳои артиши миллии Афғонистон дар ҳамлаҳои 24 соати гузаштаи худ 21 ситезаҷӯро маҳв карда ва 17 нафари дигарро захмӣ намуданд. Ба гузориши хабаргузории «Хомапресс», Вазорати дифои Афғонистон бо интишори баёнияе эълом кард, ки неруҳои артиши ин кишвар дар амалиёти заминӣ ва ҳавоӣ ситезаҷӯёнро дар вилоятҳои Пактиё, Форёб, Урузгон, Ҳилманд ва бахшҳое аз Кобул ҳадафи ҳамла қарор доданд. Дар ин амалиёт миқдори зиёде аз силоҳу муҳимоти ҷангӣ ва 10 мототсиклро нобуд сохтанд. Бар асоси гузоришҳои маҳаллӣ дар вилоятҳое, ки дар онҳо амалиёт сурат гирифтааст, даргирӣ ва хушунат  то ҳадде коҳиш ёфтааст.